انا يا بحر ما جيتك اشكي همومي لين
تمادت و زادت و ادمت الجرح و احفرته
و ترى ما درى بالسالفة غيرك الا العين
يا كم مرة ن جت تكشف السر و أنكَرته
لو الهم يظهر بالصور يا بحر و ايبين
فرقت الضلوع الين ياضح و صورته
و لا ابيك تنشد عن سبب جرحي و من مين
انا اللي تهاونت بدوى الجرح و اخّرته
انا بين وقت ن خيّب الظن فيه وبين
زمان ن مضى واحسرتي لا تذكرته
تكاثر علي الناس في وحدة و ثنتين
و انا راس مالي عندهم ما تكاثرته
و عليهم من المنقود لاما تقول آمين
و لا ملوا من النقد بالناس و ادورته
و اهروج النميمة و الحسد و الكلام الشين
وصلني و انا مبعد عن الداب و اشجرته
و خويي على الوجه الحقيقي عرفته زين
بعد ما انتصف فينا الطريق انكشف كرته
جزيل العطايا اليوم ليته يسد الدين
اقوله و انا طيبي معه ما تخاسرته
و يا شين العطا اللي بالطلب لو يجي بعدين
بعد ما تعيفه نفسك و تسمج اثمرته
الشاعر ابو ليان
١ ديسمبر ٢٠١٩
