الخميس، 10 يونيو 2010
الثلاثاء، 8 يونيو 2010
قصائد ابو ليان
قصائد زفات:
زفة عروس:
يا منورة ليلة فرحنا هلا فيك=تو النهار و موعد الشمس بكره
على لحن همسك و دقة خطاويك=بالحب نقضي ليلة العمر سهرة
كل المشاعر بالمحبة تمسيك=و من الفرح سالت على الخد عبره
انا اشهد ان الله من الحسن معطيك=حتى القمر من طلتك ضاق صدره
قصيدة من العروس لأهلها:دمع الوداع و دمع الافراح همال=حاولت لكن عيت العين تخفيه
يوم ارمشت عيني على وجنتي سال=وهاض الشعور و بيح القلب خافيه
ليلة زفافي شوفكم يشرح البال=يبعث سروري يا هلي و افتخر فيه
قصيدة زفة مي:
أقبل شعاع الشمس و الا اقبلت مي=بس الاكيد الزين كله معاها
بارموشها ليل و على خدها ضي=سبحان من حسن الوصايف عطاها
ذي بنت ابوها اللي سقاها الغلا ري=ابو سعود بطيب فعله تباها
قصيدة زفة سنوات الضياع:
نورتي الفرح يا شمعتي =وصرتي السعادة بدنيتي
مجبور اغني لفرحتي=دامك نصيبي وقسمتي
وردك طاب =ما بين إيديا وفاح .
وقلبي ذاب=و اتهنى اليوم وارتاح
إهداء للعروس هدى:
على لحن دقات قلبي و الانفاس=غنيت موال الفرح عذب صافي
و قصايدي قالت على العين و الراس=و قامت توارد لي اوزون وقوافي
و اهديتها لك يا بعد كل ها الناس=تعبير للفرحة بيوم الزفافي
مبروك مني ما لها احدود و قياس=لك يا "هدى" و الحب بالقلب وافي
قصيدة سيرة عروس:
قصة طفولة بالفرح مغمورة=بأحروف من لون الذهب نكتبها
بأول بدايات العمر و ازهوره=ما فيه لعبة طفل ما تلعبها
عاشت على غصن الأمل عصفورة=و دور التحدي و النصر يعجبها
كبرت و جت للعلم تطلب نوره=و بالابتدائية بدا موكبها
يا دوب يدها تاصل السبورة=ناتج ثلاثة واربعة تحسبها
قصيدة زفة ليلى:
أشرقت شمس السعادة و لا بقى بالكون ليل=عمت الكون بضياها و انقلب ليله نهار
ما بقى بالزين باقي لا كثير و لا قليل=كل زينة عند ليلى ما لها اي اعتبار
بانت بروق الملامح و انكشف ليل الجديل=حركت بقلوب غيره و اشعلت بقلوب نار
وداعية عروس لأمها:
كتبت من الشعر قصة وداع الغالي الغالين=تخالط دمعة الفرحة دموع الحزن في عيني
بامان الله يا يمه يا حب (ن) مثله القا وين؟=بامان الله يا كف (ن) دفاه يدفي يديني
بامان الله يا قلب (ن) عطاني من غلاه اسنين=يا نبع من الحنان اللي زلال الحب يسقيني
زفة عريس:
طل العريس و فاحت حروف القصيد=تنثر على دربه جزيل احروفها
يا مرحبا باشراقة الصبح الجديد=ترحيبة اصحاب الكرم بضيوفها
ليا مشى خطوة ضيا الفرحة يزيد=و العين ما تقدر توخر شوفها
زفة إبتسام:
اقبلت و الكل ردد هلا بك يا ابتسام=درة (ن) بالزين تاخذ عقول الحاضرين
انجلا من نورها الليل و انزاح الظلام=كن شمس الكون معها من يسار ويمين
يوم جت غنا لها بالفرح طير الحمام=و اكتسا درب ن تمره ورود وياسمين
قصيدة زفة مها:
تفضلي يا شمعة الزين حياك=و الدرب قدامك بساتين و ازهور
نبض المشاعر ترسمه دقة اخطاك=و احلى الليالي نورك يزيدها نور
(مها) يعيش اللي بها الاسم سماك=حتى المها قدام وصفك به اقصور
زفة إبتسام:
حي الله اللي جت من الحسن تختال=سبحان منهو جامع الزين فيها
هذي ابتسام اللي لها شوفنا طال=بسم الله اكبر من نظر حاسديها
يوم اقبلت و الليل عن دربها زال=و الشوق بعيون الملا يحتريها
من العريس للعروس عند الكوشة:
لحظة لحظة قبل لنتي تجلسين=لو سمحتي دار في بالي سؤال
من سمح لك تاخذين القلب مين=ما تركتي لغيرك بقلبي مجال
و كيف حيرتي عقول الحاضرين=واعرفو من طلتك معنى الجمال
زفة حنين:
أقبلت مثل اللقا عقب الحنين=و اسقت قلوب (ن) شكت طول الهيام
و اسرقت نظرات كل الحاضرين=وحيرت بوصوفها عذب الكلام
غاب نور البدر من طلت حنين=و نورت بقدومها داجي الظلام
قصيدة تهنئة للعريسين:
وفق الله و اجتمع غالي ابغالي=و استراحت راحة يديه بيديها
اجتمع شمل الغلا بقدرة الوالي=و طاب شوف العين من نور غاليها
مابقى غصن (ن) على الارض ما مالي=و الطيور احلى القصايد تغنيها
زفة هاجر:
قولو ما شا الله وصلوا عا الرسول=و باركوا لأحلى قمر عند الوصول
هاجر الليلة مثل شمس النهار=وش نسولف عن حلاها و وش نقول
مثل نور البدر في يوم التمام=بين رمش العين و الخد الخجول
قصيدة زفة لمى:
أقبلت تمشي لمى زين و دلال=ترسل الفرحة من ارموش العيون
يوم طلت و ابتدا صبح الجمال=و انكشف من نورها ليل السكون
كل من شافك سأل نفس السؤال=يا ترى ها البنت هذي من تكون؟
قصيدة سيرة عريس:
هنا البداية و اول ايام الحياة=استشبروا مع جيته فرحة و خير
الكون كله زاد نوره من ضياه=كانت سعادة والدينه فيه غير
يسقى ضما ورد المشاعر من غلاه=و يبين فيه الخير و هو توه صغير
لو يطلب امه روحها قالت فداه=و ابوه شال من الغلا الشي الكثير
زفة أريج:
اسفرت شمس الغلا باحلى الليالي=و الفرح يروي عروق القلب غيمه
يا أريج الكل رحب بك تعالي=يا اريج الورد مع نفحة نسيمه
ما تركتي للحلا بغيرك مجالي=كل مزيونة غدت دقة قديمة
زفة أمل:
طلت امل بالحسن تختال=و الليل بالافراح مغمور
يوم اقبلت و المزن همال=و روض الفرح بالحب ممطور
والغصن من زود الطرب مال=و تفتحت لقدومها زهور
الزين ما يخطر على البال=زادت على نور الفرح نور
إهداء من العريس للعروس خلود:
من مزون المشاعر هل عذب الكلام=و ارتوى من غرامه كل ذابل ورود
ارفع اسماء التهاني لك يا أغلى الأنام=وانظم من القصايد في غلاتك عقود
الف مبروك يا أغلى من بها القلب هام=يوم ربي جمعنا للأبد يا (خلود)
زفة رباب:
أقبلت مثل اللقا عقب لوعات الغياب=أقبلت ترسم خطاها رباب بهونها
أختفت شمس المزايين من طلت رباب=كل ما قرب لها زين يقصر دونها
يوم جت خلت حلا غيرها مثل السراب=و ابتدت بنت العماني تهل مزونها
زفة عروس:
متميزة و لزينها العين ترتاح=قصة حسن تحتار فيها القصيدة
حتى ظلام الليل عن دربها انزاح=و نور الفرح جت من حلاها تزيده
و الناس كل الزين من عينهم طاح=بالزين صارت في نظرهم و حيدة
تهنئة للعريس احمد:
يسعد مسا يوم زهت فيه الافراح=باول بدايات الحياة السعيدة
مبروك لك يا احمد عدد نبض الارواح=و اسما التهاني رددتها القصيدة
العود لك يا منبع الطيب فواح=و عذب المعاني جت على ما تريده
زفة عائشة:
فاحت الدنيا و رود و ياسمين=و الفرح مثله ابد ما يوم كان
نورت بالزين كل الحاضرين=عائشة معها شعاع الشمس بان
الحلا معها من يسار و يمين=وكل قاسي يوم شاف الزين لان
تسري النظرة لها شوق و حنين=يوم بانت نورت كل المكان
زفة عروس:
مثل القمر و الحلا بعيونها بادي=و الحسن باغلى ليالي العمر لابسته
استقبلوها بريح العود والكادي=و الورد بايدينها الثنتين ماسكته
من مرته قال زينك ماهو بعادي= و ان طالعت فيه ضيع كل سالفته
الملح بوصوفها و الزين متمادي=زين الملامح بحسن الطبع جامعته
ترحيب بالحضور للزواج:
يا هلا يا مرحبا بكل الحضور=عد ما غصن بمهب الريح مال
يا هلا و افراحنا تثلج صدور=و المعازيم احضروا لاحلى احتفال
القصيدة حيرت كل البحور=و لا تريد من البيوت الا الجزال
زفة أماني:
طلت مثل بدر ن بنصف الشهر بان=يوم اقبلت تمشي بدا يطلع النور
طلة أماني كنها عود ريحان=تضفي على الليلة تباشير و اسرور
غنا لها طير الفرح عذب الالحان=وتفتحت قدامها ورود و ازهور
زفة ريم:
طلت علينا و انبهر فيها الشعر=يقول من وين ابتدي باوصوفها
يوم اقبلت تختال في ليلة عمر=كلن تمنا لو يطول اوقوفها
ريم اسمها و الناس سموها قمر=محلا اساميها و محلا احروفها
زفة الجوهرة:
الجوهرة طلت من الحسن تختال=مدري وش اللي جابها من بحرها
و احلى الليالي نورت و السهر طال=من يوم صارت جوهرتنا قمرها
الجوهرة واسمك كفى كل الاقوال=و كل الوصوف الباقية يختصرها
زفة أحلام:
طل القمر يرسم جماله بخطوات=على بساط الشوق يمشي على هون
يوم اقبلت تاخذ من العين سجات=وقدامها ماكن بالارض مزيون
في وصف زين احلام تحتار الابيات=وش تذكرون بزينها و وش تخلون
تهنئة للعروس نورة:
الكون كله صار فرحة وتبريك=والليل لابس للفرح ثوب عيده
بأحلى ليالي العمر جينا نهنيك=ونرسم لك احساس المشاعر قصيدة
مبروك يا "نورة" ويسعد لياليك=يا جامعة كل الصفات الحميدة
زفة فاطمة:
أقبلت شمس السرور و هلت امطار السعادة=يا بعد حيي و حايل شعت النور بسماها
فاطمة طلت علينا و الحلا فيها بزيادة=يوم جت باحلى اليالي للفرح ترسم خطاها
طالعة من بيت عز و طيب و امجاد و سيادة=درة ن للزين حازت و اشهد ان الله عطاها
وداعية من العروس أمل لأمها:
دمع الموادع سال مع دمع الافراح=يودع الغالين باحلى الاماني
هذي امل منها قصيد الغلا باح=تقول يمه بالحشا لك مكاني
أروح لكن واهج الشوق ماراح=يا منبع احساس الغلا و الحناني
قصيدة سيرة عروس:
طفلة(ن) كانت براءة طفولتها طموح=وردة (ن)غطا شذاها شذا كل الورود
اسمها نورة تربت على عز و وضوح=تحت نظرة والديها ربت ذيك العنود
اكبرت نورة و امسا شذا الوردة يفوح=و لا قطفها غير حر(ن)على الصيد امهدود
قصيدة ترحيب بالحضور:
يا مرحبا باللي من البعد لافين=ما فيهم اللي عن فرحنا تعذر
يا مرحبا فيهم عددها ملايين=و مهما كتبنا ما قدرنا نعبر
على زواج ابن الكرم و الكريمين=فهد و باسمه جزل الابيات تفخر
قصيدة ترحيب بالحضور:
يا هلا يا مرحبا عد ما هل الخيال=وعد من بالبيت يسعى و للكعبة يطوف
يا هلا للطيب و العود و علوم الرجال=فرحة (ن) يحتار في وصفها جزل الحروف
مرحبا و الكيف ينساق من صفر الدلال= مرحبا و الحفل نوره من اقدوم لضيوف
إهداء للعروس من أمها و خواتها:
في ليلة (ن) فيها الفرح نوّرالكون=و مشاعر الفرحة تعدت مداها
ليلة بها لأحلى عروسه يزفون=يسعد لنا الليلة و يسعد مساها
أمك و خواتك عذب الابيات يهدون=قصيدةٍ ن يطرب لها من قراها
قصيدة زفة عائشة:
طلت علينا عائشة مدري طلع نور القمر=سبحان رب ن خصها باحلى الوصوف لحالها
ما كنها الا مزنة يوم الفرح هلت مطر=لا سلهمت بعيونها و الرمش صار اظلالها
الزين فيها مكتمل ماهو على باقي لبشر=هي غاية احساس الغلا يا سعد منهو نالها
قصيدة زفة روان:
يا ضيا ليل السعادة صبحنا لا تبتدينه=خلي الليل يتغزل و البدر صيري مكانه
يا ملاك الحسن مثلك ما اقبلت بالحفل زينة=باختصار انتي بزينك بين كل البيض دانة
يا روان اللي يشوفك ما قدر يرمش بعينه=من لمح زينك و ربي ما تحرك من مكانه
قصيدة زفة وجدان:
بان القمر و الا ضيا خدها بان=و الا السعادة بدلت ليلنا نور
يوم اقبلت تمشي على الهون وجدان=و بدربها فاحت رياحين و ازهور
تقهر بلين عودها خضر الاغصان=و من حسنها تخفي حلا كل مغرور
قصيدة زفة تماضر:
نوري ليلة فرحنا يا تباشير الغيوم=و انثري وبل المحبة فوق ريضان القصيد
يا تماظر كل جالس لا بدا زينك يقوم=غير زينك ما يطالع و غير نورك ما يريد
للعيون اللي تناظر في جمالك من يلوم=كل ماردت نظرها طالعت بك من جديد
زفة نوف:
غاب القصيد بليلة العمر يا نوف=يقول اببدا وين و الا انتهي وين
ما يكفي اوصوفك تعابير و حروف=لو تنكتب فيها القصايد دواوين
لو تسألين العين عن قيمة الشوف=قالت بليا نوف وش قيمة العين
قصيدة تهنئة للعريسين
احلى الليالي نورت بين الأيام=و تعانقت فيها مشاعر حبيبن
و تحققت للقلب غايات و احلام=يوم اجتمع بالحب شمل العريسين
مبروك ما يحصى عددها بالارقام=و الله جمع بامره على الود قلبين
إهداء من العريس للعروس مروة:
لحظة....دقيقة....فديت الزين يا مروه...بقول لك شي مره مشغل (ن) بالي
ما ابيك....يا قلبي اللي ما قوى صبره...على غلاها و لا عن حبها سالي
بعطيك للي عليها الشوق من حره...ذوب خفوقي و غير باقي احوالي
إهداء من العروس لخواتها:
اعذب تعابير الفرح بين الاحباب=باحساس من صادق غلاي ابتديها
ليلة زفافي بين ناسي و الاقراب= اغلى خوات حروفهم تحتويها
حصة غلاها بين عيني و الاهداب=محلا ورود افراحنا من يديها
زفة خطابة بإسم ريم:
خطابة خطابة=جيناكم خطابة
صالح يطلب يد ريم=بشرع الله واكتابه
باحساسه شاريكم=للطيب اللي فيكم
ليا جا طاريكم=يفخر باسم انسابه
زفة عروس:
سمو باسم الله و صلو عا النبي=العروسة نورت يا حاضرين
اوصفيها يا قصايد و اكتبي=يستحيل الوصف مهما توصفين
الجبين يقول للشمس اغربي=و الجديل يقول بدري يا جبين
درة تسبي نواظركم سبي=بالجمال اللي يسر الناظرين
زفة دقو المزاهر
طل القمر ما شاء الله...وكل الحبايب قالوا
تسلم لنا ها الطلة...و احلى الأغاني شالوا
وداعية عريسين:
باعذب قصيد نودع احباب غالين=و القلب لحظات الفرح ما نساها
فاتن و عبد الله مع الحب لاهين=يسعد مساه و يسعد الله مساها
عبدالله..الله جاب لك شيخة الزين=متميزة ما احد يجاري حلاها
زفة عروس
يا طلعة الصبح الجديد و نهاره=ما بعد نورك يا ضيا حفلنا نور
عروسنا ها اليوم طال انتظاره=فرحة تعم الكون و الكل مسرور
انتي ملاك الزين و انتي شعاره=كثر الحيا يرسم على اوجونك ازهور
يا موطن اوصوف الحلا يا دياره=مبروك بيت ن بالغلا صار معمور
قصيدة تهنئة بزواج:
ليلة فرح و باحساسنا شي ماصار=في حفلة الليلة و لا كل ليلة
غيم السعادة هل من عذب الامطار=يرعد و يبرق من بداية مخيله
ذابت تعابير المعاني و الاشعار=و بقلوبنا فرحة و قصة طويلة
قصائد مواليد:
قصيدة مولود بعد عشرين سنة:
الحمد لك و الشكر يا عالي الشان=يا غالب ن بامره على كل موجود
اسقيت روض القلب و احييت الاغصان=و فتحت في وجه الامل باب مسدود
عشرين عام و بارق الخير ما بان=و البيت متلهف على صوت مولود
قصيدة المولود ناصر:
نورت ها الدنيا و عطرت المكان=و اضفيت لاحساس الغلا معنى جديد
فرحة و كنا ننتظرها من زمان =تحققت و اليوم هذا يوم عيد
اخذت كل الحب و احساس الحنان=يا زينة الدنيا عسا عمرك مديد
صادق مشاعرنا نطق فيها اللسان =و باسمك يا ناصر زانت ابيوت القصيد
قصيدة مولودة بعد انتظار:
أشرقت شمس الفرح في يوم عيد=و تمت الفرحة بعد طول انتظار
بان للدنيا ضيا لينا يزيد=و عمت امطار الفرح كل الديار
يا هلا يا طلة العمر الجديد=و السعادة مثلها ما يوم صار
يا ورود الكون يا لحن النشيد=يا حلا سنين العمر بعد المرار
قصيدة المولودة رنيم:
زادت الدنيا فرح باقدومها=و الفضاء رحب هلابك يا رنيم
من غلاها النفس تنسى اهمومها=كنها الوردة عليها يهل ديم
الفرح يبدا بداية يومها= يوم جت من فضل رزاق ن كريم
قصيدة مولودة:
طلت على الدنيا تزف التباشير=و تكتب على صوت المشاعر قصيدة
بان الصباح لنورها وغرد الطير=و عمت سعادتنا ديار ن بعيدة
وردة شذاها غير و الوانها غير=تبعث بوسط البيت فرحة جديدة
***
قصائد نجاح و تخرج:
قصيدة ترحيب في جامعة سلطان:
يا مرحبا و لحضوركم يطرب الشوف=و الورد يهدي للفرح كل الالوان
في صرح شامخ ما حدى مجده اسقوف=في جامعة سلطان نور الفرح بان
قصيدة تخرج طالبات أكادمية العلوم الصحية:
أحلى القصايد بالاكاديمية=فيها انتغنا باعذب الالحاني
تبقى على معنى اسمها دولية=ويبقى وطنا بأول الأوطاني
في خدمة العلوم الصحية=بأولى المراكز للفخر عنواني
يوم التخرج و المشاعر حية=و طيف السعادة في سمانا باني
تخرج الدكتورة حسناء:
حسناء لها بالمجد صولة و جولة=قصة بها يحتار وصف اللساني
كانت بدايتها أماني طفولة=تبحث بقمات النجاح لمكاني
و بالجد و الهمة تحقق وصوله=و قمنا على حسناء نزف التهاني
قصيدة من الأم لإبنها الضابط:
يزيد تهديك امك الشعر موزون=وان قصرت فيك الحروف امعذورة
فرحة تخرج بيحت كل مكنون=والنفس باحساس الشعور امغمورة
مبروك لك يا قرة العين مليون=و الجو يشدي فيه نايف طيوره
مبروك و الكايد على مثلك يهون=بالنجمة اللي فوق كتفك فخورة
تخرج الدكتورة إيمان:
اسعد سنين العمر و اجمل لياليها=لحظات فيها نشوف (ايمان) دكتورة
جتها القصايد تهل اروع معانيها=وان ما وفتها بيوت الشعر معذورة
الفضل لله ما خيب امانيها=ولا ضاع ماضي سنين العمر و اشهوره
تخرج الدكتورة ابتهال:
زان نظم الشعر و احروف القصيد=و انهمل ديم السرور من الخيال
اسقت احساس الفرح فعلن اكيد=مثل ما يسقي المطر جدب السهال
افرحو يا ناس باليوم السعيد=و توجوا بالحب دكتورة ابتهال
تخرج الدكتورة نجود:
أهلا هلا باللي بها الكل يفخر=متميزة مافيه شك ن و ريبة
"نجود" لك في قمة العلم منبر=للنوم عينك لاجل مجدك حريبه
مجهودها للعلم دايم مسخر=رغم المسافة و الديار الغريبة
تهدي تعابير التهاني و تشكر=الوالد الغالي و الام الحبيبة
تخرج أسماء:
إفتخر يا مجد و اكتب يا قصيد=و السعادة و الفرح فوق الخيال
هذي اسما نالت اللي هي تريد=كل كايد عندها سهل المنال
ارتدت يوم التخرج ثوب عيد=و الفرح دمعه على الخدين سال
قصيدة تخرج سارة:
احلى القصايد تنكتب لعيونك=و يفوح ورد الحب لك يا سارة
و اغلا الحبايب جو لك يهنونك=و كل المعاني وقفت محتارة
مبروك و الفرحة تزين كونك=يوم التخرج طاب نظم اشعاره
قصيدة نجاح مدارس التربية:
كل الورود بشذا الفرحة تعطرنا=و اعذب حروف القصايد تفتخر فينا
مدارس التربية بالحب تجمعنا=في ثالث اول تحقق كل امانينا
بين الفصول بتعاونا تميزنا=نجني حصيل التعب و الجهد بايدينا
تهنئة للخريج من أمه
بانت مشاعرنا سرور و تباشير=تنثر ورود اسما التهاني حواليك
أمك سعادتها بيوم الفرح غير=قلب يزيدك من حنانه و يغليك
اليوم فرحتها علت كل تصوير=و الكون كله صار فرحة وتبريك
قصيدة تخرج:
نظم القصايد يعبر عن محبتنا=و افراحنا اليوم زادت مع تهانينا
فرحة تخرج تعبر عن مشاعرنا=بالجد و الصبر حققنا امانينا
كلية التربية بالحب تجمعنا=برياض الاطفال نلنا المجد بايدينا
مسيرة مدارس التوحيد:
باسم الإله الرازق العالي الشان=نبدا مسيرتنا تباشير و سرور
مدارس التوحيد للفخر عنوان=لأجل الوطن كم قدمت جهد مشكور
في خدمة التعليم مجهودها بان=و في رفع منسوب الثقافه لها دور
مسيرة مدارس التربية:
"مدارس التربية " نور السعد بادي=و احلى القصايد تنومسنا معانيها
تعيش يا صرحنا يا صرح الامجادي=بالعلم ترفع عزايمنا و تبنيها
في خدمة الدين ثم ن خدمة ابلادي=في ظل خادم بيوت الله و حاميها
قصيدة نجاح مدارس منار العلم:
في مدارس منار العلم طاب القصيد=وهل مزن السعادة و فاح ريح الزهور
و السعادة تمادت لين صارت نشيد=لحنتها المشاعر و غردتها الطيور
صرح شامخ يواكب كل علم (ن) جديد= رفرفت فوق صرحة جملة العلم نور
قصائد ذكرى و عيد ميلاد:
قصيدة ذكرى زواج:
منصور يا اغلى ما ملكت من الايام=يا شمعة اسنيني و ياطلعة النور
تذكر غلاك اللي قبل خمسة أعوام=اليوم طاريها على القلب محفور
مع شوفتك تحققت كل الاحلام=وروض المشاعر باجمل احساس ممطور
قصيدة عيد ميلاد:
في يوم عشرين اربعة شعت انوار=الف و ثلاث إمية و سبعة و تسعين
في عيد ميلادك زها نظم الاشعار=عسا تدوم اعيادك اسنين و اسنين
فرحة على الدنيا ملت كل الاقطار=و تفتحت معها ورود و رياحين
قصيدة عيد ميلاد دانة:
لعيون دانة غردت حلو الانغام=و صحى سكون الليل صوت الاغاني
يوم اكتمل من عمرها خمسة اعوام=ومعها اكتمل نور الأمل و الأماني
يا اغلى طفولة لامست نجم الاحلام=وصارت بها سبع العجايب ثماني
قصيدة بعيد ميلاد:
من دم قلبي نظمت ابيات موزونة=و اهديتها للحبيب بعيد ميلاده
قلبي و روحي و احاسيسي يهنونه=عسا الفرح والسعادة دوم باعياده
مشاعر الحب في يمناه مرهونه=و القلب ماغير تركي بالغلا صاده
قصيدة ذكرى زواج:
حب ن بلغ بالعمر خمسة وعشرين=يزداد قيمة مع مرور الزماني
بالشوق و احساس الغلا بين قلبين=مرت سنين العمر مثل الثواني
عاشو لياليهم على الزين و الشين=بالصبر و احساس الامل و التفاني
عيد ميلاد عبير:
افرحي و اليوم يومك يا عبير=عيد ميلادك و معه الجو زان
غرد القمري على جال الغدير=و كل عود من الطرب غنا و لان
كل عام يمر بك و انتي بخير=يا غلاة القلب يا كل الحنان
قصيدة ذكرى زواج:
باسم الغلا اللي لك بقلبي من اسنين = اهدي لك احساس المشاعر قصيدة
و استرجع احلى ذكريات الحبيبين = و اذكر بدايات الغلا و استعيده
تذكر غلاك اللي بدا قبل عامين؟ = نفس الغلا باقي مثل ما تريده
قصائد رثاء:
قصيدة رثاء فرح لأخوها:
معذور يا جفن كره لذة النوم=من واهج ن بين الحنايا كواني
يذوب قلبي حزن لا قلت مرحوم=و ليا ذكرته ليل همي غشاني
اسمي فرح بدلته بحزن و اهموم=من يوم راح الموت باغلى اخواني
قصيدة رثاء بنت لأبوها:
مرحوم شيخ ن يرفع الراس طاريه=راح و ترك قلبي بهمه حزيني
و جاني خبر موته و عيني تراعيه=حول الفجر يوم الفضا ضاق فيني
شي ن كثير بخاطري كنت ابحكيه=قال المنايا يا غلاتي تبيني
صرخت باعلى الصوت يا بوي اناديه=و حالت اسهوم الموت بينه و بيني
رثاء للأب من أبناءه:
مرحوم يا شيخ ن ترك بيض الافعال=ورحل عن الدنيا و مثله فقيده
رحل و باقي طيب ذكره على البال=لوغاب عنا ذكرياته تعيده
الوالد اللي مكسبه حسن الاعمال=و الخير فعله و المكارم رصيده
ندعي عسا له جنة الخلد منزال=ويغفر ذنوبه يوم يحشر عبيده
قصائد متنوعة:
قصيدة أم بعودة ولدها:
الكون يستبشر من اقصاه لقصاه=و دنيا السعادة لابسة للفرح ثوب
ما اقول غير الشكر و الحمد لله=يا فارج الشدات يا مصبر ايوب
كلن فرح في عيد و العيد لقياه=و الشعر في وصفه للإحساس يا دوب
عقب الحزن و الضيق و الهم و الآه=رده لنا اللي رد يوسف ليعقوب
قصيدة مدح:
ارفع عمود الشعر و اشد الاطناب=و اسج مع وزن القصيد و معانيه
و اجمع تعابير الفكر قدر و اعجاب=في ذكر شيخ ن يرفع الراس طاريه
سعيد لامن الزمن عض بالناب=ما تبطي الضيقة على وجه ناصيه
إهداء من الزوجة للزوج:
هاج الغرام و حرك بقلبي اشجان=وزان القصيد و طاب نظم القوافي
و ارسلت لك شعري على كل الاوزان=وسجلت في دعوى غلاك اعترافي
قلبي حلف ما يسكنه غير سلمان=شوقك و حبك لي عن الناس كافي
انت الوطن لا ضاقت بعيني اوطان=وانت لجروح الشوق و الحب شافي
قصيدة حب:
هبت هبوب الشعر مع صادق البوح=و غيم الغلا تروي عروقي سيوله
اخفي ملامح حب بين و مفضوح=أخاف لا تلقاه ناس ن عذوله
القلب كنه في محبتك منصوح=و الرجل يمك في اخطاها عجوله
إهداء من الزوجة للزوج:
حل حبك بالحشا برد وسلام=بالمحبة و الغلا ما لك خشير
يا غناة الروح يا احدود المرام=يا دفا بردي و يا ظل الهجير
يا فهد قلبي بحبك ما يلام=لو ملكته يا بعد عمري اسير
إهداء من الزوجة للزوج:
أصدق مشاعر حب ينطق بها لسان...و أعذب حروف الشعر و أحلى التعابير
لك يا بعد عمري و يا اروع انسان...الطيبة بقلبك و وجهك تباشير
كرم وطيب و دين و أخلاق وايمان...لك بين كل الناس هيبة و تقدير
قصيدة للوطن:
يا موطني يا درة ن بين الاوطان=بالدين و الوحدة على العز منصور
دار الطفولة رددت عذب الالحان=و الراية الخضرا ترفرف على السور
مكة و طيبة منطلق خير الاديان=اطهر مكان و كل مسلم له يزور
تاوي لها قلوب البشر حب و ايمان=فيها انجلا ليل الجهل و اقبل النور
قصيدة للأمير سلطان:
اشرقت بك سما جده وزان القصيد=يوم حليت فيها شعت انوارها
يبتسم لك ثراها يا الصباح الجديد=والغصون الرطيبه فاحت ازهارها
البست في حضورك للفرح ثوب عيد=و الغيوم البعيدة هلت امطارها
والقصيدة تمادت لين صارت نشيد=و ذكر سلطان فيها زاد مقدارها
يا ولي العهد درع الوطن يا العضيد=تعتذر لك بيوتي و اقبل اعذارها
اكتب البيت و ارجع و امسحه ثم اعيد=و المعاني الكبيرة تشبه اصغارها
القصيدة لمدحك و الفخر ما تجيد=انت فوق الكلام العذب و اشعارها
يا جزيل العطايا جعل عمرك مديد=ما درت عن عطايا ايمينك ايسارها
الكرم من يدينك ما يجيب الزهيد=مزنة ن بالجزايل هل مدرارها
لنعقد كل كايد جبت راي ن سديد=و صرت نور ن لناس ن ضاعت افكارها
يا وريث المكارم بين جد و حفيد=أسرة ن بالعوالي تبني اوكارها
مجد ثابت و باقي للزمن ما يبيد=مع مرور الليالي ما انطفت نارها
و في الختام القصيدة رحبت من جديد=و ارض جدة كساها نور من زارها
أوبريت مملكتنا:مملكتنا راية الدين منصورة=راية (ن) يا ويل منهو يعاديها
دونها يدين المعادين مبتورة=وان دعا داعي بالارواح نفديها
ملحمة في صفحة المجد محفورة=بالفخر كل التواريخ ترويها
ارض جردا عانت الجوع و ادهوره=و الجهل و الخوف و الهم واطيها
عاشت من الفقر و الظلم مقهورة= و القتل و النهب مستوطن ن فيها
اصرخت في عالي الصوت مذعورة=و علمت عبد العزيز ابمآسيها
و لاح برق العدل من سيف اخو نورة=و جا لها صقر الجزيرة يواسيها
منهج القران و الشرع دستوره=بالعدل و الدين و العلم يبنيها
لين وجه الحق بان و سطع نوره=وهلت امزون البشاير باراضيها
عاشت بضله عن الظلم مستورة=تحت نعمة ناصر الحق واليها
و اصبحت بالامن و الخير معمورة=و بالحضارة طابت اجروح ماضيها
بالشجاعة صار للحاضر اسطورة=و البطولة جسد اروع معانيها
قايدن نفسه على الخير مفطوره =لين روحه قابلت وجه باريها
وجو عياله بعده و كملوا دوره=مع ادروب امجاده اللي مشى فيها
تحياتي للجميع
الشاعر: ابو ليان
جوال
00966569944524
ايميل
munasbh@gmail.com
زفة عروس:
يا منورة ليلة فرحنا هلا فيك=تو النهار و موعد الشمس بكره
على لحن همسك و دقة خطاويك=بالحب نقضي ليلة العمر سهرة
كل المشاعر بالمحبة تمسيك=و من الفرح سالت على الخد عبره
انا اشهد ان الله من الحسن معطيك=حتى القمر من طلتك ضاق صدره
قصيدة من العروس لأهلها:دمع الوداع و دمع الافراح همال=حاولت لكن عيت العين تخفيه
يوم ارمشت عيني على وجنتي سال=وهاض الشعور و بيح القلب خافيه
ليلة زفافي شوفكم يشرح البال=يبعث سروري يا هلي و افتخر فيه
قصيدة زفة مي:
أقبل شعاع الشمس و الا اقبلت مي=بس الاكيد الزين كله معاها
بارموشها ليل و على خدها ضي=سبحان من حسن الوصايف عطاها
ذي بنت ابوها اللي سقاها الغلا ري=ابو سعود بطيب فعله تباها
قصيدة زفة سنوات الضياع:
نورتي الفرح يا شمعتي =وصرتي السعادة بدنيتي
مجبور اغني لفرحتي=دامك نصيبي وقسمتي
وردك طاب =ما بين إيديا وفاح .
وقلبي ذاب=و اتهنى اليوم وارتاح
إهداء للعروس هدى:
على لحن دقات قلبي و الانفاس=غنيت موال الفرح عذب صافي
و قصايدي قالت على العين و الراس=و قامت توارد لي اوزون وقوافي
و اهديتها لك يا بعد كل ها الناس=تعبير للفرحة بيوم الزفافي
مبروك مني ما لها احدود و قياس=لك يا "هدى" و الحب بالقلب وافي
قصيدة سيرة عروس:
قصة طفولة بالفرح مغمورة=بأحروف من لون الذهب نكتبها
بأول بدايات العمر و ازهوره=ما فيه لعبة طفل ما تلعبها
عاشت على غصن الأمل عصفورة=و دور التحدي و النصر يعجبها
كبرت و جت للعلم تطلب نوره=و بالابتدائية بدا موكبها
يا دوب يدها تاصل السبورة=ناتج ثلاثة واربعة تحسبها
قصيدة زفة ليلى:
أشرقت شمس السعادة و لا بقى بالكون ليل=عمت الكون بضياها و انقلب ليله نهار
ما بقى بالزين باقي لا كثير و لا قليل=كل زينة عند ليلى ما لها اي اعتبار
بانت بروق الملامح و انكشف ليل الجديل=حركت بقلوب غيره و اشعلت بقلوب نار
وداعية عروس لأمها:
كتبت من الشعر قصة وداع الغالي الغالين=تخالط دمعة الفرحة دموع الحزن في عيني
بامان الله يا يمه يا حب (ن) مثله القا وين؟=بامان الله يا كف (ن) دفاه يدفي يديني
بامان الله يا قلب (ن) عطاني من غلاه اسنين=يا نبع من الحنان اللي زلال الحب يسقيني
زفة عريس:
طل العريس و فاحت حروف القصيد=تنثر على دربه جزيل احروفها
يا مرحبا باشراقة الصبح الجديد=ترحيبة اصحاب الكرم بضيوفها
ليا مشى خطوة ضيا الفرحة يزيد=و العين ما تقدر توخر شوفها
زفة إبتسام:
اقبلت و الكل ردد هلا بك يا ابتسام=درة (ن) بالزين تاخذ عقول الحاضرين
انجلا من نورها الليل و انزاح الظلام=كن شمس الكون معها من يسار ويمين
يوم جت غنا لها بالفرح طير الحمام=و اكتسا درب ن تمره ورود وياسمين
قصيدة زفة مها:
تفضلي يا شمعة الزين حياك=و الدرب قدامك بساتين و ازهور
نبض المشاعر ترسمه دقة اخطاك=و احلى الليالي نورك يزيدها نور
(مها) يعيش اللي بها الاسم سماك=حتى المها قدام وصفك به اقصور
زفة إبتسام:
حي الله اللي جت من الحسن تختال=سبحان منهو جامع الزين فيها
هذي ابتسام اللي لها شوفنا طال=بسم الله اكبر من نظر حاسديها
يوم اقبلت و الليل عن دربها زال=و الشوق بعيون الملا يحتريها
من العريس للعروس عند الكوشة:
لحظة لحظة قبل لنتي تجلسين=لو سمحتي دار في بالي سؤال
من سمح لك تاخذين القلب مين=ما تركتي لغيرك بقلبي مجال
و كيف حيرتي عقول الحاضرين=واعرفو من طلتك معنى الجمال
زفة حنين:
أقبلت مثل اللقا عقب الحنين=و اسقت قلوب (ن) شكت طول الهيام
و اسرقت نظرات كل الحاضرين=وحيرت بوصوفها عذب الكلام
غاب نور البدر من طلت حنين=و نورت بقدومها داجي الظلام
قصيدة تهنئة للعريسين:
وفق الله و اجتمع غالي ابغالي=و استراحت راحة يديه بيديها
اجتمع شمل الغلا بقدرة الوالي=و طاب شوف العين من نور غاليها
مابقى غصن (ن) على الارض ما مالي=و الطيور احلى القصايد تغنيها
زفة هاجر:
قولو ما شا الله وصلوا عا الرسول=و باركوا لأحلى قمر عند الوصول
هاجر الليلة مثل شمس النهار=وش نسولف عن حلاها و وش نقول
مثل نور البدر في يوم التمام=بين رمش العين و الخد الخجول
قصيدة زفة لمى:
أقبلت تمشي لمى زين و دلال=ترسل الفرحة من ارموش العيون
يوم طلت و ابتدا صبح الجمال=و انكشف من نورها ليل السكون
كل من شافك سأل نفس السؤال=يا ترى ها البنت هذي من تكون؟
قصيدة سيرة عريس:
هنا البداية و اول ايام الحياة=استشبروا مع جيته فرحة و خير
الكون كله زاد نوره من ضياه=كانت سعادة والدينه فيه غير
يسقى ضما ورد المشاعر من غلاه=و يبين فيه الخير و هو توه صغير
لو يطلب امه روحها قالت فداه=و ابوه شال من الغلا الشي الكثير
زفة أريج:
اسفرت شمس الغلا باحلى الليالي=و الفرح يروي عروق القلب غيمه
يا أريج الكل رحب بك تعالي=يا اريج الورد مع نفحة نسيمه
ما تركتي للحلا بغيرك مجالي=كل مزيونة غدت دقة قديمة
زفة أمل:
طلت امل بالحسن تختال=و الليل بالافراح مغمور
يوم اقبلت و المزن همال=و روض الفرح بالحب ممطور
والغصن من زود الطرب مال=و تفتحت لقدومها زهور
الزين ما يخطر على البال=زادت على نور الفرح نور
إهداء من العريس للعروس خلود:
من مزون المشاعر هل عذب الكلام=و ارتوى من غرامه كل ذابل ورود
ارفع اسماء التهاني لك يا أغلى الأنام=وانظم من القصايد في غلاتك عقود
الف مبروك يا أغلى من بها القلب هام=يوم ربي جمعنا للأبد يا (خلود)
زفة رباب:
أقبلت مثل اللقا عقب لوعات الغياب=أقبلت ترسم خطاها رباب بهونها
أختفت شمس المزايين من طلت رباب=كل ما قرب لها زين يقصر دونها
يوم جت خلت حلا غيرها مثل السراب=و ابتدت بنت العماني تهل مزونها
زفة عروس:
متميزة و لزينها العين ترتاح=قصة حسن تحتار فيها القصيدة
حتى ظلام الليل عن دربها انزاح=و نور الفرح جت من حلاها تزيده
و الناس كل الزين من عينهم طاح=بالزين صارت في نظرهم و حيدة
تهنئة للعريس احمد:
يسعد مسا يوم زهت فيه الافراح=باول بدايات الحياة السعيدة
مبروك لك يا احمد عدد نبض الارواح=و اسما التهاني رددتها القصيدة
العود لك يا منبع الطيب فواح=و عذب المعاني جت على ما تريده
زفة عائشة:
فاحت الدنيا و رود و ياسمين=و الفرح مثله ابد ما يوم كان
نورت بالزين كل الحاضرين=عائشة معها شعاع الشمس بان
الحلا معها من يسار و يمين=وكل قاسي يوم شاف الزين لان
تسري النظرة لها شوق و حنين=يوم بانت نورت كل المكان
زفة عروس:
مثل القمر و الحلا بعيونها بادي=و الحسن باغلى ليالي العمر لابسته
استقبلوها بريح العود والكادي=و الورد بايدينها الثنتين ماسكته
من مرته قال زينك ماهو بعادي= و ان طالعت فيه ضيع كل سالفته
الملح بوصوفها و الزين متمادي=زين الملامح بحسن الطبع جامعته
ترحيب بالحضور للزواج:
يا هلا يا مرحبا بكل الحضور=عد ما غصن بمهب الريح مال
يا هلا و افراحنا تثلج صدور=و المعازيم احضروا لاحلى احتفال
القصيدة حيرت كل البحور=و لا تريد من البيوت الا الجزال
زفة أماني:
طلت مثل بدر ن بنصف الشهر بان=يوم اقبلت تمشي بدا يطلع النور
طلة أماني كنها عود ريحان=تضفي على الليلة تباشير و اسرور
غنا لها طير الفرح عذب الالحان=وتفتحت قدامها ورود و ازهور
زفة ريم:
طلت علينا و انبهر فيها الشعر=يقول من وين ابتدي باوصوفها
يوم اقبلت تختال في ليلة عمر=كلن تمنا لو يطول اوقوفها
ريم اسمها و الناس سموها قمر=محلا اساميها و محلا احروفها
زفة الجوهرة:
الجوهرة طلت من الحسن تختال=مدري وش اللي جابها من بحرها
و احلى الليالي نورت و السهر طال=من يوم صارت جوهرتنا قمرها
الجوهرة واسمك كفى كل الاقوال=و كل الوصوف الباقية يختصرها
زفة أحلام:
طل القمر يرسم جماله بخطوات=على بساط الشوق يمشي على هون
يوم اقبلت تاخذ من العين سجات=وقدامها ماكن بالارض مزيون
في وصف زين احلام تحتار الابيات=وش تذكرون بزينها و وش تخلون
تهنئة للعروس نورة:
الكون كله صار فرحة وتبريك=والليل لابس للفرح ثوب عيده
بأحلى ليالي العمر جينا نهنيك=ونرسم لك احساس المشاعر قصيدة
مبروك يا "نورة" ويسعد لياليك=يا جامعة كل الصفات الحميدة
زفة فاطمة:
أقبلت شمس السرور و هلت امطار السعادة=يا بعد حيي و حايل شعت النور بسماها
فاطمة طلت علينا و الحلا فيها بزيادة=يوم جت باحلى اليالي للفرح ترسم خطاها
طالعة من بيت عز و طيب و امجاد و سيادة=درة ن للزين حازت و اشهد ان الله عطاها
وداعية من العروس أمل لأمها:
دمع الموادع سال مع دمع الافراح=يودع الغالين باحلى الاماني
هذي امل منها قصيد الغلا باح=تقول يمه بالحشا لك مكاني
أروح لكن واهج الشوق ماراح=يا منبع احساس الغلا و الحناني
قصيدة سيرة عروس:
طفلة(ن) كانت براءة طفولتها طموح=وردة (ن)غطا شذاها شذا كل الورود
اسمها نورة تربت على عز و وضوح=تحت نظرة والديها ربت ذيك العنود
اكبرت نورة و امسا شذا الوردة يفوح=و لا قطفها غير حر(ن)على الصيد امهدود
قصيدة ترحيب بالحضور:
يا مرحبا باللي من البعد لافين=ما فيهم اللي عن فرحنا تعذر
يا مرحبا فيهم عددها ملايين=و مهما كتبنا ما قدرنا نعبر
على زواج ابن الكرم و الكريمين=فهد و باسمه جزل الابيات تفخر
قصيدة ترحيب بالحضور:
يا هلا يا مرحبا عد ما هل الخيال=وعد من بالبيت يسعى و للكعبة يطوف
يا هلا للطيب و العود و علوم الرجال=فرحة (ن) يحتار في وصفها جزل الحروف
مرحبا و الكيف ينساق من صفر الدلال= مرحبا و الحفل نوره من اقدوم لضيوف
إهداء للعروس من أمها و خواتها:
في ليلة (ن) فيها الفرح نوّرالكون=و مشاعر الفرحة تعدت مداها
ليلة بها لأحلى عروسه يزفون=يسعد لنا الليلة و يسعد مساها
أمك و خواتك عذب الابيات يهدون=قصيدةٍ ن يطرب لها من قراها
قصيدة زفة عائشة:
طلت علينا عائشة مدري طلع نور القمر=سبحان رب ن خصها باحلى الوصوف لحالها
ما كنها الا مزنة يوم الفرح هلت مطر=لا سلهمت بعيونها و الرمش صار اظلالها
الزين فيها مكتمل ماهو على باقي لبشر=هي غاية احساس الغلا يا سعد منهو نالها
قصيدة زفة روان:
يا ضيا ليل السعادة صبحنا لا تبتدينه=خلي الليل يتغزل و البدر صيري مكانه
يا ملاك الحسن مثلك ما اقبلت بالحفل زينة=باختصار انتي بزينك بين كل البيض دانة
يا روان اللي يشوفك ما قدر يرمش بعينه=من لمح زينك و ربي ما تحرك من مكانه
قصيدة زفة وجدان:
بان القمر و الا ضيا خدها بان=و الا السعادة بدلت ليلنا نور
يوم اقبلت تمشي على الهون وجدان=و بدربها فاحت رياحين و ازهور
تقهر بلين عودها خضر الاغصان=و من حسنها تخفي حلا كل مغرور
قصيدة زفة تماضر:
نوري ليلة فرحنا يا تباشير الغيوم=و انثري وبل المحبة فوق ريضان القصيد
يا تماظر كل جالس لا بدا زينك يقوم=غير زينك ما يطالع و غير نورك ما يريد
للعيون اللي تناظر في جمالك من يلوم=كل ماردت نظرها طالعت بك من جديد
زفة نوف:
غاب القصيد بليلة العمر يا نوف=يقول اببدا وين و الا انتهي وين
ما يكفي اوصوفك تعابير و حروف=لو تنكتب فيها القصايد دواوين
لو تسألين العين عن قيمة الشوف=قالت بليا نوف وش قيمة العين
قصيدة تهنئة للعريسين
احلى الليالي نورت بين الأيام=و تعانقت فيها مشاعر حبيبن
و تحققت للقلب غايات و احلام=يوم اجتمع بالحب شمل العريسين
مبروك ما يحصى عددها بالارقام=و الله جمع بامره على الود قلبين
إهداء من العريس للعروس مروة:
لحظة....دقيقة....فديت الزين يا مروه...بقول لك شي مره مشغل (ن) بالي
ما ابيك....يا قلبي اللي ما قوى صبره...على غلاها و لا عن حبها سالي
بعطيك للي عليها الشوق من حره...ذوب خفوقي و غير باقي احوالي
إهداء من العروس لخواتها:
اعذب تعابير الفرح بين الاحباب=باحساس من صادق غلاي ابتديها
ليلة زفافي بين ناسي و الاقراب= اغلى خوات حروفهم تحتويها
حصة غلاها بين عيني و الاهداب=محلا ورود افراحنا من يديها
زفة خطابة بإسم ريم:
خطابة خطابة=جيناكم خطابة
صالح يطلب يد ريم=بشرع الله واكتابه
باحساسه شاريكم=للطيب اللي فيكم
ليا جا طاريكم=يفخر باسم انسابه
زفة عروس:
سمو باسم الله و صلو عا النبي=العروسة نورت يا حاضرين
اوصفيها يا قصايد و اكتبي=يستحيل الوصف مهما توصفين
الجبين يقول للشمس اغربي=و الجديل يقول بدري يا جبين
درة تسبي نواظركم سبي=بالجمال اللي يسر الناظرين
زفة دقو المزاهر
طل القمر ما شاء الله...وكل الحبايب قالوا
تسلم لنا ها الطلة...و احلى الأغاني شالوا
وداعية عريسين:
باعذب قصيد نودع احباب غالين=و القلب لحظات الفرح ما نساها
فاتن و عبد الله مع الحب لاهين=يسعد مساه و يسعد الله مساها
عبدالله..الله جاب لك شيخة الزين=متميزة ما احد يجاري حلاها
زفة عروس
يا طلعة الصبح الجديد و نهاره=ما بعد نورك يا ضيا حفلنا نور
عروسنا ها اليوم طال انتظاره=فرحة تعم الكون و الكل مسرور
انتي ملاك الزين و انتي شعاره=كثر الحيا يرسم على اوجونك ازهور
يا موطن اوصوف الحلا يا دياره=مبروك بيت ن بالغلا صار معمور
قصيدة تهنئة بزواج:
ليلة فرح و باحساسنا شي ماصار=في حفلة الليلة و لا كل ليلة
غيم السعادة هل من عذب الامطار=يرعد و يبرق من بداية مخيله
ذابت تعابير المعاني و الاشعار=و بقلوبنا فرحة و قصة طويلة
قصائد مواليد:
قصيدة مولود بعد عشرين سنة:
الحمد لك و الشكر يا عالي الشان=يا غالب ن بامره على كل موجود
اسقيت روض القلب و احييت الاغصان=و فتحت في وجه الامل باب مسدود
عشرين عام و بارق الخير ما بان=و البيت متلهف على صوت مولود
قصيدة المولود ناصر:
نورت ها الدنيا و عطرت المكان=و اضفيت لاحساس الغلا معنى جديد
فرحة و كنا ننتظرها من زمان =تحققت و اليوم هذا يوم عيد
اخذت كل الحب و احساس الحنان=يا زينة الدنيا عسا عمرك مديد
صادق مشاعرنا نطق فيها اللسان =و باسمك يا ناصر زانت ابيوت القصيد
قصيدة مولودة بعد انتظار:
أشرقت شمس الفرح في يوم عيد=و تمت الفرحة بعد طول انتظار
بان للدنيا ضيا لينا يزيد=و عمت امطار الفرح كل الديار
يا هلا يا طلة العمر الجديد=و السعادة مثلها ما يوم صار
يا ورود الكون يا لحن النشيد=يا حلا سنين العمر بعد المرار
قصيدة المولودة رنيم:
زادت الدنيا فرح باقدومها=و الفضاء رحب هلابك يا رنيم
من غلاها النفس تنسى اهمومها=كنها الوردة عليها يهل ديم
الفرح يبدا بداية يومها= يوم جت من فضل رزاق ن كريم
قصيدة مولودة:
طلت على الدنيا تزف التباشير=و تكتب على صوت المشاعر قصيدة
بان الصباح لنورها وغرد الطير=و عمت سعادتنا ديار ن بعيدة
وردة شذاها غير و الوانها غير=تبعث بوسط البيت فرحة جديدة
***
قصائد نجاح و تخرج:
قصيدة ترحيب في جامعة سلطان:
يا مرحبا و لحضوركم يطرب الشوف=و الورد يهدي للفرح كل الالوان
في صرح شامخ ما حدى مجده اسقوف=في جامعة سلطان نور الفرح بان
قصيدة تخرج طالبات أكادمية العلوم الصحية:
أحلى القصايد بالاكاديمية=فيها انتغنا باعذب الالحاني
تبقى على معنى اسمها دولية=ويبقى وطنا بأول الأوطاني
في خدمة العلوم الصحية=بأولى المراكز للفخر عنواني
يوم التخرج و المشاعر حية=و طيف السعادة في سمانا باني
تخرج الدكتورة حسناء:
حسناء لها بالمجد صولة و جولة=قصة بها يحتار وصف اللساني
كانت بدايتها أماني طفولة=تبحث بقمات النجاح لمكاني
و بالجد و الهمة تحقق وصوله=و قمنا على حسناء نزف التهاني
قصيدة من الأم لإبنها الضابط:
يزيد تهديك امك الشعر موزون=وان قصرت فيك الحروف امعذورة
فرحة تخرج بيحت كل مكنون=والنفس باحساس الشعور امغمورة
مبروك لك يا قرة العين مليون=و الجو يشدي فيه نايف طيوره
مبروك و الكايد على مثلك يهون=بالنجمة اللي فوق كتفك فخورة
تخرج الدكتورة إيمان:
اسعد سنين العمر و اجمل لياليها=لحظات فيها نشوف (ايمان) دكتورة
جتها القصايد تهل اروع معانيها=وان ما وفتها بيوت الشعر معذورة
الفضل لله ما خيب امانيها=ولا ضاع ماضي سنين العمر و اشهوره
تخرج الدكتورة ابتهال:
زان نظم الشعر و احروف القصيد=و انهمل ديم السرور من الخيال
اسقت احساس الفرح فعلن اكيد=مثل ما يسقي المطر جدب السهال
افرحو يا ناس باليوم السعيد=و توجوا بالحب دكتورة ابتهال
تخرج الدكتورة نجود:
أهلا هلا باللي بها الكل يفخر=متميزة مافيه شك ن و ريبة
"نجود" لك في قمة العلم منبر=للنوم عينك لاجل مجدك حريبه
مجهودها للعلم دايم مسخر=رغم المسافة و الديار الغريبة
تهدي تعابير التهاني و تشكر=الوالد الغالي و الام الحبيبة
تخرج أسماء:
إفتخر يا مجد و اكتب يا قصيد=و السعادة و الفرح فوق الخيال
هذي اسما نالت اللي هي تريد=كل كايد عندها سهل المنال
ارتدت يوم التخرج ثوب عيد=و الفرح دمعه على الخدين سال
قصيدة تخرج سارة:
احلى القصايد تنكتب لعيونك=و يفوح ورد الحب لك يا سارة
و اغلا الحبايب جو لك يهنونك=و كل المعاني وقفت محتارة
مبروك و الفرحة تزين كونك=يوم التخرج طاب نظم اشعاره
قصيدة نجاح مدارس التربية:
كل الورود بشذا الفرحة تعطرنا=و اعذب حروف القصايد تفتخر فينا
مدارس التربية بالحب تجمعنا=في ثالث اول تحقق كل امانينا
بين الفصول بتعاونا تميزنا=نجني حصيل التعب و الجهد بايدينا
تهنئة للخريج من أمه
بانت مشاعرنا سرور و تباشير=تنثر ورود اسما التهاني حواليك
أمك سعادتها بيوم الفرح غير=قلب يزيدك من حنانه و يغليك
اليوم فرحتها علت كل تصوير=و الكون كله صار فرحة وتبريك
قصيدة تخرج:
نظم القصايد يعبر عن محبتنا=و افراحنا اليوم زادت مع تهانينا
فرحة تخرج تعبر عن مشاعرنا=بالجد و الصبر حققنا امانينا
كلية التربية بالحب تجمعنا=برياض الاطفال نلنا المجد بايدينا
مسيرة مدارس التوحيد:
باسم الإله الرازق العالي الشان=نبدا مسيرتنا تباشير و سرور
مدارس التوحيد للفخر عنوان=لأجل الوطن كم قدمت جهد مشكور
في خدمة التعليم مجهودها بان=و في رفع منسوب الثقافه لها دور
مسيرة مدارس التربية:
"مدارس التربية " نور السعد بادي=و احلى القصايد تنومسنا معانيها
تعيش يا صرحنا يا صرح الامجادي=بالعلم ترفع عزايمنا و تبنيها
في خدمة الدين ثم ن خدمة ابلادي=في ظل خادم بيوت الله و حاميها
قصيدة نجاح مدارس منار العلم:
في مدارس منار العلم طاب القصيد=وهل مزن السعادة و فاح ريح الزهور
و السعادة تمادت لين صارت نشيد=لحنتها المشاعر و غردتها الطيور
صرح شامخ يواكب كل علم (ن) جديد= رفرفت فوق صرحة جملة العلم نور
قصائد ذكرى و عيد ميلاد:
قصيدة ذكرى زواج:
منصور يا اغلى ما ملكت من الايام=يا شمعة اسنيني و ياطلعة النور
تذكر غلاك اللي قبل خمسة أعوام=اليوم طاريها على القلب محفور
مع شوفتك تحققت كل الاحلام=وروض المشاعر باجمل احساس ممطور
قصيدة عيد ميلاد:
في يوم عشرين اربعة شعت انوار=الف و ثلاث إمية و سبعة و تسعين
في عيد ميلادك زها نظم الاشعار=عسا تدوم اعيادك اسنين و اسنين
فرحة على الدنيا ملت كل الاقطار=و تفتحت معها ورود و رياحين
قصيدة عيد ميلاد دانة:
لعيون دانة غردت حلو الانغام=و صحى سكون الليل صوت الاغاني
يوم اكتمل من عمرها خمسة اعوام=ومعها اكتمل نور الأمل و الأماني
يا اغلى طفولة لامست نجم الاحلام=وصارت بها سبع العجايب ثماني
قصيدة بعيد ميلاد:
من دم قلبي نظمت ابيات موزونة=و اهديتها للحبيب بعيد ميلاده
قلبي و روحي و احاسيسي يهنونه=عسا الفرح والسعادة دوم باعياده
مشاعر الحب في يمناه مرهونه=و القلب ماغير تركي بالغلا صاده
قصيدة ذكرى زواج:
حب ن بلغ بالعمر خمسة وعشرين=يزداد قيمة مع مرور الزماني
بالشوق و احساس الغلا بين قلبين=مرت سنين العمر مثل الثواني
عاشو لياليهم على الزين و الشين=بالصبر و احساس الامل و التفاني
عيد ميلاد عبير:
افرحي و اليوم يومك يا عبير=عيد ميلادك و معه الجو زان
غرد القمري على جال الغدير=و كل عود من الطرب غنا و لان
كل عام يمر بك و انتي بخير=يا غلاة القلب يا كل الحنان
قصيدة ذكرى زواج:
باسم الغلا اللي لك بقلبي من اسنين = اهدي لك احساس المشاعر قصيدة
و استرجع احلى ذكريات الحبيبين = و اذكر بدايات الغلا و استعيده
تذكر غلاك اللي بدا قبل عامين؟ = نفس الغلا باقي مثل ما تريده
قصائد رثاء:
قصيدة رثاء فرح لأخوها:
معذور يا جفن كره لذة النوم=من واهج ن بين الحنايا كواني
يذوب قلبي حزن لا قلت مرحوم=و ليا ذكرته ليل همي غشاني
اسمي فرح بدلته بحزن و اهموم=من يوم راح الموت باغلى اخواني
قصيدة رثاء بنت لأبوها:
مرحوم شيخ ن يرفع الراس طاريه=راح و ترك قلبي بهمه حزيني
و جاني خبر موته و عيني تراعيه=حول الفجر يوم الفضا ضاق فيني
شي ن كثير بخاطري كنت ابحكيه=قال المنايا يا غلاتي تبيني
صرخت باعلى الصوت يا بوي اناديه=و حالت اسهوم الموت بينه و بيني
رثاء للأب من أبناءه:
مرحوم يا شيخ ن ترك بيض الافعال=ورحل عن الدنيا و مثله فقيده
رحل و باقي طيب ذكره على البال=لوغاب عنا ذكرياته تعيده
الوالد اللي مكسبه حسن الاعمال=و الخير فعله و المكارم رصيده
ندعي عسا له جنة الخلد منزال=ويغفر ذنوبه يوم يحشر عبيده
قصائد متنوعة:
قصيدة أم بعودة ولدها:
الكون يستبشر من اقصاه لقصاه=و دنيا السعادة لابسة للفرح ثوب
ما اقول غير الشكر و الحمد لله=يا فارج الشدات يا مصبر ايوب
كلن فرح في عيد و العيد لقياه=و الشعر في وصفه للإحساس يا دوب
عقب الحزن و الضيق و الهم و الآه=رده لنا اللي رد يوسف ليعقوب
قصيدة مدح:
ارفع عمود الشعر و اشد الاطناب=و اسج مع وزن القصيد و معانيه
و اجمع تعابير الفكر قدر و اعجاب=في ذكر شيخ ن يرفع الراس طاريه
سعيد لامن الزمن عض بالناب=ما تبطي الضيقة على وجه ناصيه
إهداء من الزوجة للزوج:
هاج الغرام و حرك بقلبي اشجان=وزان القصيد و طاب نظم القوافي
و ارسلت لك شعري على كل الاوزان=وسجلت في دعوى غلاك اعترافي
قلبي حلف ما يسكنه غير سلمان=شوقك و حبك لي عن الناس كافي
انت الوطن لا ضاقت بعيني اوطان=وانت لجروح الشوق و الحب شافي
قصيدة حب:
هبت هبوب الشعر مع صادق البوح=و غيم الغلا تروي عروقي سيوله
اخفي ملامح حب بين و مفضوح=أخاف لا تلقاه ناس ن عذوله
القلب كنه في محبتك منصوح=و الرجل يمك في اخطاها عجوله
إهداء من الزوجة للزوج:
حل حبك بالحشا برد وسلام=بالمحبة و الغلا ما لك خشير
يا غناة الروح يا احدود المرام=يا دفا بردي و يا ظل الهجير
يا فهد قلبي بحبك ما يلام=لو ملكته يا بعد عمري اسير
إهداء من الزوجة للزوج:
أصدق مشاعر حب ينطق بها لسان...و أعذب حروف الشعر و أحلى التعابير
لك يا بعد عمري و يا اروع انسان...الطيبة بقلبك و وجهك تباشير
كرم وطيب و دين و أخلاق وايمان...لك بين كل الناس هيبة و تقدير
قصيدة للوطن:
يا موطني يا درة ن بين الاوطان=بالدين و الوحدة على العز منصور
دار الطفولة رددت عذب الالحان=و الراية الخضرا ترفرف على السور
مكة و طيبة منطلق خير الاديان=اطهر مكان و كل مسلم له يزور
تاوي لها قلوب البشر حب و ايمان=فيها انجلا ليل الجهل و اقبل النور
قصيدة للأمير سلطان:
اشرقت بك سما جده وزان القصيد=يوم حليت فيها شعت انوارها
يبتسم لك ثراها يا الصباح الجديد=والغصون الرطيبه فاحت ازهارها
البست في حضورك للفرح ثوب عيد=و الغيوم البعيدة هلت امطارها
والقصيدة تمادت لين صارت نشيد=و ذكر سلطان فيها زاد مقدارها
يا ولي العهد درع الوطن يا العضيد=تعتذر لك بيوتي و اقبل اعذارها
اكتب البيت و ارجع و امسحه ثم اعيد=و المعاني الكبيرة تشبه اصغارها
القصيدة لمدحك و الفخر ما تجيد=انت فوق الكلام العذب و اشعارها
يا جزيل العطايا جعل عمرك مديد=ما درت عن عطايا ايمينك ايسارها
الكرم من يدينك ما يجيب الزهيد=مزنة ن بالجزايل هل مدرارها
لنعقد كل كايد جبت راي ن سديد=و صرت نور ن لناس ن ضاعت افكارها
يا وريث المكارم بين جد و حفيد=أسرة ن بالعوالي تبني اوكارها
مجد ثابت و باقي للزمن ما يبيد=مع مرور الليالي ما انطفت نارها
و في الختام القصيدة رحبت من جديد=و ارض جدة كساها نور من زارها
أوبريت مملكتنا:مملكتنا راية الدين منصورة=راية (ن) يا ويل منهو يعاديها
دونها يدين المعادين مبتورة=وان دعا داعي بالارواح نفديها
ملحمة في صفحة المجد محفورة=بالفخر كل التواريخ ترويها
ارض جردا عانت الجوع و ادهوره=و الجهل و الخوف و الهم واطيها
عاشت من الفقر و الظلم مقهورة= و القتل و النهب مستوطن ن فيها
اصرخت في عالي الصوت مذعورة=و علمت عبد العزيز ابمآسيها
و لاح برق العدل من سيف اخو نورة=و جا لها صقر الجزيرة يواسيها
منهج القران و الشرع دستوره=بالعدل و الدين و العلم يبنيها
لين وجه الحق بان و سطع نوره=وهلت امزون البشاير باراضيها
عاشت بضله عن الظلم مستورة=تحت نعمة ناصر الحق واليها
و اصبحت بالامن و الخير معمورة=و بالحضارة طابت اجروح ماضيها
بالشجاعة صار للحاضر اسطورة=و البطولة جسد اروع معانيها
قايدن نفسه على الخير مفطوره =لين روحه قابلت وجه باريها
وجو عياله بعده و كملوا دوره=مع ادروب امجاده اللي مشى فيها
تحياتي للجميع
الشاعر: ابو ليان
جوال
00966569944524
ايميل
munasbh@gmail.com
الاشتراك في:
الرسائل (Atom)